Барлық көрсеткіштер бойынша оң өсім 6 өңірде – Ақмола, Жамбыл, Қостанай және Солтүстік Қазақстан облыстарында, сондай-ақ Алматы және Шымкент қалаларында байқалады.
«6 көрсеткіш бойынша 8 өңірде өсім байқалады. Бұл Ақтөбе, Алматы, Жетісу, Қарағанды, Қызылорда, Павлодар, Шығыс Қазақстан облыстары және Астана қаласы», – деді министр.
Қаңтар-қыркүйекте Қазақстан экономикасының өсу қарқыны 2,8% құрады. Оның ішінде нақты сектордағы өсім 3,1%, қызмет көрсету саласында – 1,9% құрады.
Салалар арасында ауыл шаруашылығы, ақпарат және байланыс, құрылыс, көлік және қойма, өңдеу өнеркәсібі, сауда және тау-кен өнеркәсібінде оң өсім бар.
Қаңтар-қыркүйекте 10,5 млн шаршы метр тұрғын үй пайдалануға берілді, бұл өткен жылдың сәйкес кезеңімен салыстырғанда 0,9% артық. Өсім 15 өңірде тіркелді. Ең жоғары көрсеткіштер Түркістан, Жетісу және Алматы облыстарында, сондай-ақ Шымкентте.
Төмен көрсеткіштер Ұлытау және Абай облыстарында, Маңғыстау мен Атырау облыстарында және Астанада байқалады.
