Ресми мәліметке сәйкес, 2015 жылдан бері болған өлім-жітімнің ең жоғары көрсеткіші биыл тіркелді.
Испанияның отбасылық және жалпы тәжірибелік дәрігерлер қоғамының өкілі Лоренцо Арментерос адамдардың дені жылу стресінен қайтыс болып жатқанын айтады.
11-17 шілде аралығында Испания Еуропа елдері ішіндегі өлім көрсеткіші ең жоғары мемлекет болды. Бұның себебін зерттеушілер аптап ыстықтан, коронавирустан, қарттық белгілерінен көріп отыр. Қайтыс болғандардың көпшілігі – 85 жастан асқандар.
Елдің басым бөлігінде ауа райына байланысты ескерту жарияланды. Ондағы ауа температурасы бірнеше күн қатарынан 40 градус цельсийден асқан.
