28-29 мамыр күндері Қазақстанға Руанда Республикасының Президенті Поль Кагаме ресми сапармен келеді. Кездесу аясында екіжақты ынтымақтастықты дамыту мәселелері талқыланып, бірқатар құжаттарға қол қойылады.
28 мамырда Мемлекет басшысы Германия Федеративтік Республикасы Бундесратының төрағасы Анке Релингермен кездеседі.
Сол күндері (28-29 мамыр) елімізге Солтүстік Македония Президенті Гордана Силяновская-Давкова мен Хорватия Премьер-министрі Андрей Пленкович жұмыс сапарымен келеді.
29 мамырда Президент Қасым-Жомарт Тоқаев Астана халықаралық форумына (AIF) қатысып, шетелдік делегациялар жетекшілерімен, халықаралық ұйымдар мен трансұлттық компаниялар басшыларымен бірқатар екіжақты кездесулер өткізеді.
30 мамырда Қазақстанға Италия Премьер-министрі Джорджа Мелони ресми сапармен келеді. Сол күні Астанада Орталық Азия мемлекеттері мен Италия арасындағы алғашқы жоғары деңгейдегі «Орталық Азия – Италия» саммиті өтеді.
31 мамырда Президент Саяси қуғын-сүргін және ашаршылық құрбандарын еске алу күніне арналған іс-шараға қатысады.
