Синоптиктердің болжамынша, алдағы күндері кең ауқымды антициклон Қазақстанның солтүстік, шығыс және орталық өңірлеріне әсерін сақтап, бұл аймақтарда күн ашық әрі шуақты болады.
Ал батыс, оңтүстік және оңтүстік-шығыс өңірлерде фронтальды бөліктердің әсерінен ауа райы құбылмалы болады. Бұл аймақтарда жаңбыр жауып, таулы өңірлерде жаңбыр мен қар аралас жауын-шашын түсуі мүмкін. Сонымен қатар, тұман түсіп, жел күшейеді. Оңтүстік-батыста шаңды дауыл болуы ықтимал.
