Бұл шешім кәсіподақтар достастығының орталық және атқарушы комитеттерінің бірлескен отырысында қабылданды. Мейрам Қажыкен 1961 жылы 5 сәуірде дүниеге келген.
Қазіргі таңда ол – «Астана» халықаралық ғылыми кешенінің экономикалық зерттеулер институтының басшысы. Оған дейін заманауи қоғамды зерттеу институтының директоры қызметін атқарған. Сонымен бірге 2015-2018 жылдар аралығында кәсіподақтар федерациясының әлеуметтік-еңбек қатынастарының мәселелерін зерттеу мен шешу жолдарын үйрететін орталықтың директоры болды.
Айта кетейік, Қазақстан Республикасы Президентінің кезектен тыс сайлауы 2022 жылдың 20 қарашасында өтеді. 30 қыркүйекте «Ауыл» халықтық-демократиялық патриоттық партиясының кезектен тыс XX съезі өтті. Онда партиядан Жигули Дайрабаев кандидаттыққа ұсынылды.
1 қазанда XIX кезектен тыс съезде Жалпыұлттық социал-демократиялық партияның Астанадағы филиалы басшысы Нұрлан Әуесбаевты үміткер деп таңдалды. Партия өзінің тарихында алғаш рет (2007 жыл құрылған) президенттікке кандидатын ұсынды.
