«2022 жылдың басынан бері Қазақстанда 10,6 мың орындық 140 мектепке дейінгі ұйым ашылды. Осы жылдың соңына дейін 23,9 мың орындық тағы 182 ұйым ашу жоспарланып отыр. Орта білім беруде биылғы жылы оқушы орындарының тапшылығын шешу шаралары аясында 215 000 орындық 225 мектеп ашылады», – деді Премьер-министр.
Сондай-ақ, шағын қалаларда, аудан орталықтары мен ауылдарда 1000-нан астам мектеп жаңартылып жатыр. Ал жоғары оқу орындарында «Болашақ» бағдарламасы бойынша техникалық мамандықтардың үлесі 60%-ға дейін ұлғайтылған. Сонымен қатар, берілетін гранттардың жалпы саны 75 мыңға дейін өсті.
Айта кету керек, қыркүйекке дейін елімізде 4 озық шетелдік жоғары оқу орындарының филиалдары ашылады.
