«Маревен Фуд Тянь-Шань» ЖШС «дайын тамақ өнімдері мен жартылай фабрикаттарды өндіру зауыты» жобасының тұсаукесерін ұсынды, деп хабарлайды Alataunews.kz тілшісі.
Еліміздің ірі инвестициялық жобалардың бірі, ол макарон өнімдерінің кең ассортиментін әзірлеуге, өндіруге және оларды ел аумағында және Еуразия аймағында жүзеге асыруға мамандандырылған.
«Жыл басынан бері жүзеге асырылған инвестициялардың жалпы көлемі 35,0 млрд теңгеден асады. Өндірістік қуаты жылына 85 мың тоннадан астам дайын өнім», – деді «Маревен Фуд Тянь-Шань» ЖШС директоры Бернард Вавржин.
Сондай-ақ, 900-ге жуық адам жұмыс орындарымен қамтамасыз етілген, олардың 90%-ы жергілікті тұрғындар.
«Қазіргі уақытта мұндағы проблема кәсіпорын өнімдерінің экспортынан ҚҚС қайтару мәселесінде жатыр. Бізден экспортқа емес, ішкі нарыққа көбірек жұмыс істеуді сұрайды. Бірақ өнімнің 50% – дан астамы экспортқа кетеді. Сонымен қатар, біз үшінші желі – ұн тарту цехын ашқымыз келеді», – деді Бернард Вавржин.
Алматы облысының әкімі Марат Сұлтанғазиев «Маревен Фуд Тянь-Шань» ЖШС компаниясының бұрынғы деңгейдегі жұмысын қолдап, Мемлекеттік кірістер департаментіне қосылған құнға салынатын салық мәселесін шешуді тапсырды.
Айта кету керек, бүгін облыс басшысы «Маревен Фуд Тянь-Шань» ЖШС, «Aluminium of Kazakhstan» ЖШС және «Tree Energy» ЖШС инвестициялық компанияларының басшыларымен жеке кездесулер өткізді.
