«Біз мүгедек баланы тәрбиелеп отырған отбасы ретінде пәтер алдық, кезекте 7,5 жыл тұрдық. Енді әрдайым жылулық, бақыт сыйлайтын өз баспанамыз бар деп қуанып жатқан жайымыз бар. Бізге түсіністікпен қарап, жақсы өмір сүруіміз үшін барынша жағдай жасап жатқанына ризамыз», – деді Эльвира Мұамедченова.
Көпбалалы ана Айгүл Жүнісова да үш бөлмелі пәтер алды.
«Алты баламыз бар. Үй кезегіне алты жыл бұрын тұрдық. Ең алдымен көпбалалы отбасыларды қолдайтын Президентімізге алғыс айтқым келеді. Облыс және аудан басшылығына да рақмет. Бүгінге дейін біз пәтерден пәтерге көшіп жүрдік. Міне енді мемлекеттің қолдауының арқасында өз шаңырағымыз бар», – деді көпбалалы ана.
Қазіргі уақытта Көксу ауданында тұрғын үй кезегінде 1000-нан астам адам тұр. Еске салайық, бүгінгі күні аудан бойынша Қабылиса көшесінде 60 пәтерлі үйдің құрылысы жүріп жатыр. Нысан 2023 жылдың ақпан айында тапсырылуы тиіс. Сондай-ақ, көпбалалы отбасыларға арналған 21 тұрғын үйдің құрылысы да жоспарда бар.
