Былтыр басталған жолдың жөндеу жұмыстары сол күйі бітпей тұр. Басты себеп жолды жасайтын мердігер мекеме өз міндетін дұрыс атқармаған. Республикалық жолдың құрылысына сол себепті 22 шілдеде тағы да конкурс жарияланады. Тұрғындармен кездесуге Кеген ауданының әкімі Талғат Байеділов, “ҚазАвтоЖол” ҰК АҚ Алматы облысы филиалының өкілдері келді.
“ҚазАвтоЖол” өкілдерінің сөзінше, негізгі жұмыс басталғанға дейін жолды грейдермен тегістеп отырады. Конкурстық жұмыстар аяқталған соң жол құрылысы қолға алынады. Жауапты мамандар жол жөндеу жұмыстары тамыз айының ортасында басталатынын айтып, наразы халыққа уәде берді.
