USD«Әңгіме барысында екіжақты ынтымақтастықты үдету жолдары талқыланды. Оның ішінде сауда-экономикалық байланыстар, мәдениет пен туризм мәселелері сөз болды. Ресей мен Украина арасындағы соғыстың кесірінен туындаған ғаламдық азық-түлік дағдарысы Ливанға да ауыр тигені мәлім. Бұл тұрғыда балама мүмкіндік ретінде Қазақ елінен Ливан нарығына бидай, өсімдік майы, басқа да ауыл шаруашылық өнімдерін экспорттау жәйттері қарастырылып өтті», – деп жазды дипломат.
Айта кетейік, Ливан экономикасы дағдарысқа ұшырады. Премьер-министр Саад аш-Шами: «Ливан банкі банкротқа ұшырап, мемлекет ретінде экономикасы құлдырады. Дегенмен, біз халық үшін шығындарды барынша азайтуға тырысамыз», – деген болатын.
2019 жылдың аяғынан бастап Ливан мемлекеті валютаның құнсыздануын, сондай-ақ отын мен дәрі-дәрмектердің жетіспеушілігін қоса алғанда, ауыр экономикалық дағдарыспен күресіп келеді.
Елдің валютасы өз құнының 90%-ын жоғалтты, бұл адамдардың азық-түлік, су, денсаулық сақтау және білім беру сияқты негізгі тауарларға қол жеткізу қабілетіне нұқсан келтірді, ал отынның жетіспеуіне байланысты жаппай электр қуатын өшіру жиі кездеседі.
