USDЦифрлық даму, инновациялар және аэроғарыш өнеркәсібі министрлігі Ішкі істер министрлігіне ғарыштан есірткі плантацияларын анықтауға көмектесіп жатыр.
«Біз ІІМ-мен электрондық құжаттандыру, жедел басқару орталығы бағытында ғана емес, ғарыш мониторингі бойынша да әріптестік орнатқанбыз. Қазақстан ғарыш сапары құқық қорғаушы органдармен бірге «Қарасора» операциясына қатысып, ғарыш мониторингі арқылы есірткі алқаптарын анықтауда», – деді Бағдат Мусин.
Оның айтуынша, биыл 686 мың шаршы шақырымға мониторинг жасалып, 5 өңірден каннабис егілген жерлер табылған.
«Бұл — ерекше қадағалаудағы мәселе. Ішкі істер министрлігімен белсенді жұмысты әрі қарай жалғастырып, заманауи технологияларды қолдану арқылы қылмысқа қарсы іс-шараларды жетілдіруге атсалыса береміз», – деді министр.
Айта кету керек, ғарыштық бақылау KazEOSat-1 және KazEOSat-2 спутниктері, сондай-ақ шетелдік спутниктер арқылы жүргізіледі.
