Жаңа өзгеріс енгізілген бұйрықта: «Автомобиль көлік құралдарын дайындаушы зауытпен көзделген бензин бактарында, сондай-ақ жалпы көлемі 20 литрден аспайтын жеке ыдыстарда әкету жағдайларын қоспағанда, жағармайды қоспағанда, бензиндерді, дизель отынын және мұнай өнімдерінің жекелеген түрлерін Қазақстан Республикасының аумағынан автомобиль көлігімен әкетуге алты ай мерзімге тыйым салу енгізілсін. Қазақстан Республикасы Мемлекеттік кірістер комитеті Шекара қызметімен өзара іс-қимыл жасай отырып, Қазақстан Республикасының заңнамасында белгіленген тәртіппен өз құзыреті шегінде осы бірлескен бұйрықтың 1-тармағының орындалуын қамтамасыз ету бойынша қажетті шараларды қабылдасын» – деп көрсетілген.
Аталған құжат «Қазақстан Республикасының Ұлттық қауіпсіздігі туралы» Заңына, Еуразиялық экономикалық одақ туралы шартына сүйене отырып жасалған.
