Биылғы жылдың басынан бері әлеуметтік маңызы бар кейбір азық-түлік тауарларында бағаның төмендеуі тіркелді. Солардың қатарында халықтың күнделікті тұтынуында маңызды орын алатын жұмыртқа бағасы 3,0%-ға арзандағаны байқалды. Мұндай оң динамика үкімет пен бизнес қауымдастығының тығыз ынтымақтастығының нақты нәтижесі.
2025 жылдың ақпан айында Сауда және интеграция министрлігі, сауда ұйымдары және салалық қауымдастықтар өзара меморандумға қол қойып, С1 санатындағы жұмыртқаның бір данасына ҚҚС есебімен 55 теңгеден аспауынбекітті. Сонымен қатар, шекті сауда үстемесін сақтау мен қосымша үстемақыларды алып тастау міндеттелді. Бұл шаралар нәтижесінде сәуір айындағы жұмыртқа бағасының индексі тұрақты деңгейде қалды, ал 8–15 сәуір аралығында бағасы мүлде өзгермеген.
Мысалы:
-
Қаңтарда — 10 жұмыртқаға 548 ₸
-
Ақпанда — 546 ₸
-
Наурызда — 536 ₸
-
Сәуірде — 531 ₸
Бағасы төмендеген өзге өнімдер:
-
Күріш – 4,7%
-
Ұн – 1,8%
-
Қарақұмық жармасы – 0,3%
Сүзбе, күнбағыс майы және рожки сынды негізгі өнімдер бағасының тұрақтылығы байқалып отыр. Соңғы аптада бұл тауарлардың индексі өзгеріссіз қалды немесе 0,1%-дан аспайтын ауытқулар тіркелді.
Сонымен қатар, көкөністер тобы бойынша бағаның маусымдық өсімі байқалады:
-
Қырыққабат – +3,5%
-
Сәбіз – +1,6%
-
Пияз – +1,8%
-
Картоп – +1,7%
Бұл өсім, әдеттегідей, маусымаралық кезеңде сақтау мен жеткізу шығындарының артуымен байланысты.
Фото: istockphoto
