Олардың 92,2% жұмыс істейтін жеке кәсіпкерлер: 1,4 млн субъект, жылдық өсім 25,6%. Бұл – кейінгі жылдардағы ең жоғары көрсеткіш.
Жұмыс істеп тұрған жеке кәсіпкерлердің басым бөлігі Алматыда: 184,3 мың субъект, бір жыл бұрынғыдан 53,8% артық. Үздік үштікке Түркістан облысы (163,7 мың субъект, плюс 21,9%) және Астана (130,6 мың субъект, плюс 27,5%) қалалары да кірді.
Ең аз жеке кәсіпкерлер Ұлытау, Солтүстік Қазақстан және Павлодар облыстарында тіркелді.
«Жұмыс істеп тұрған жеке кәсіпкерлердің үштен бірінен астамы сауда және автокөлік жөндеу саласында жұмыс істеді: 505,3 мың (жылына +40,6%). Жеке кәсіпкерлерді жұмыспен қамтудың негізгі үштігіне ауыл, орман және балық шаруашылығы (245,2 мың, +0,9%) және жылжымайтын мүлікпен операциялар (72,5 мың, +11,6%) кірді», – деп жазды ranking.kz.
Мемлекеттік басқару, қорғаныс және міндетті әлеуметтік қамсыздандыру салаларындағы жеке кәсіпкерлердің саны айтарлықтай өсті (2,6 есе, бірақ 98 жеке кәсіпкерге ғана). Сонымен қатар жұмыс істеп тұрған субъектілер санының көп болуына байланысты өңдеу өнеркәсібінде (77,4%-ға , 64,8 мыңға дейін) және білім беруде (49,7%-ға, 20,8 мыңға дейін) ілгерілеу бар.
Қазақстан бизнесті тексеруге мораторийді 2023 жылдың соңына дейін ұзартты. Бұл туралы 23 қарашадағы Мәжіліс алаңында Ұлттық экономика министрі Әлібек Қуантыров мәлімдеді.
