Көлік бөлшегі Алматыға жіберіледі.
«Санкт-Петербургтегі Hyundai Motor Manufacturing Rus (HMMR) тоқтап тұрған зауыты Hyundai Solaris бөлшектерін штамптауды, дәнекерлеуді және бояуды бастады. Бірақ бұл шанақтар Ресейге арналмаған оларды кореялық компания Алматыдағы зауытқа машина жинау үшін жібереді», – деп газетте кәсіпорынның қызметімен таныс екі дереккөздің пікірі жазылған.
Сондай-ақ газетте сұхбат берушінің айтуынша, жақында Санкт-Петербургте шанақ жасау желісі қайта іске қосылды. Кәсіпорын сондай-ақ Hyundai Creta кроссоверінің корпусын шығаруды да жоспарлап отыр деп жазылған.
Бұрын хабарланғандай, Hyundai наурыз айынан бастап Санкт-Петербургтегі құрастыру желілерін тоқтатты, бұл Украинадағы дағдарысқа байланысты жағдай.
Hyundai Motor Company Санкт-Петербургте 2010 жылдың қыркүйегінде зауытты іске қосқан болатын. Зауыт Hyundai Solaris, Kia Rio, Kia Rio X-Line модельдерін және Hyundai Creta кроссоверін шығарды.
