Бұл туралы шекара мәселелері жөніндегі үйлестіру кеңесінің отырысында қадағалау органдарының өкілдері айтты. Қазіргі таңда материалдар сотқа жолданып үлгерген.
«Пәтерін жалға берушілердің көбі туыстарымыз тегін тұрып жатыр, жалға берген жоқпыз деп отыр. Бұл жұмысқа біз жергілікті полиция, көші-қон полициясы, учаскелік полиция және пәтер иелері кооперативтерін жұмылдырып, нақтысын анықтаймыз. Бүгінгі таңда 70 мыңға жуық азаматтың заңсыз әрекеттері мен салықтан жалтарғаны анықталды. Оларға 15 АЕК айыппұл салынады, бұл шамамен 45 мың теңге», – деді БҚО бойынша Мемлекеттік кірістер департаментінің басшысы Бауыржан Айнабеков.
Қазіргі таңда өткізу пункттеріндегі жағдай тұрақтанып, адамдар ағыны азайған. Мемлекеттік органдардың мәліметінше, 10 күн ішінде шекара арқылы Батыс Қазақстан облысына Ресей Федерациясының 50 мың азаматы келген. Шетелдіктердің келуіне байланысты Орал қаласында тұрғын үйді жалға алу бағасы екі есе өсті. Ал такси қызметі ондаған есе қымбаттаған.
