Новороссийскке қарасты Приморск аудандық соты құжаттық заң бұзушылықтар үшін «КТК-Р» АҚ қызметін 30 тәулікке тоқтатты.
Каспий құбыр консорциумы баспасөз қызметінің мәліметінше, сот мұнайдың апаттық жағдайда төгілуін анықтаған.
«КТК-Р» АҚ қызметін тоқтата тұру бойынша қарсылықтарды жіберу мақсатында істі қарауды кейінге шегеру туралы өтінішті сот қанағаттандырусыз қалдырды. Соттың 2022 жылғы 5 шілдедегі қаулысымен Ространснадзордың талаптары қанағаттандырылды: «КТК-Р» АҚ қызметін 30 тәулікке әкімшілік негізде тоқтата тұру түріндегі жаза тағайындалды», – деп хабарлады компания.
Айта кету керек, КҚК арқылы Қазақстан 82% мұнай экспорттайды.
