Жетісулықтар үшін – бұл үлкен жетістік. ҚР Қарулы Күштерінің 30 жылдығына және «балалар жылына» арналған іс-шараға еліміздің түкпір-түкпірінен 44 команда қатысты.
«Бұл жеңіс біздің облысымыздың республикадағы мәртебесін арттырады. Біздің өңірде 600 – ден астам әскери-патриоттық клуб бар, оларда 30 мыңнан астам бала бар», – деп хабарлады облыстық білім басқармасы басшысының орынбасары Айжан Адамбекова.
Республикалық жарыстардың жеңімпаздары жазғы сауықтыру лагерлеріне бару сертификаттарына ие болады.
«Жарыс 6 күн өтті. Эмоцияға толы күн болды. Бұл біздің өміріміздегі есте қаларлық сәттердің бірі болады деп ойлаймын», – деді жеңімпаздардың бірі Сұлтан Серікұлы.
Жүлделі орындар Нұрсұлтан, Алматы, Шымкент қалаларынан келген командалар арасында да үлестірілді.
«Айбын» әскери-патриоттық жастар жиынын Қорғаныс министрлігі 2015 жылдан бастап жыл сайын Қарағанды облысында Қазақстан Республикасы Қарулы Күштерінің «Спасск» оқу-жаттығу орталығының аумағында өткізеді. Жиынның мақсаты елдегі жастарды әскери-патриоттық тәрбиелеу бойынша жұмысты жетілдіру, өскелең ұрпақтың бойында жоғары патриоттық сезімді қалыптастыру болып табылады.
Жарысқа 14-18 жас аралығындағы балалар жіберіледі.
