Кеңеске орталық мемлекеттік органдар мен өңірлердің өкілдері қатысып, еліміздің негізгі туристік аймақтарындағы жағдай туралы баяндама жасады. Сондай-ақ Президент тапсырмаларының орындалу барысы бойынша есеп берді.
Ермек Көшербаев туризмді дамыту бағытында қабылданып жатқан шаралардың жеткіліксіз екенін атап өтті. Оның айтуынша, бұл салада инфрақұрылымды жаңғырту мен туристік нысандардағы қызмет сапасын арттыру басты міндеттердің бірі болып қала бермек. Вице-премьер 2026 жылдың жазына дейін курорттық аймақтарды толыққанды дайындауды тапсырды.
Кеңес қорытындысы бойынша тиісті мемлекеттік органдарға бірқатар нақты тапсырмалар жүктелді. Атап айтқанда:
курорттық аймақтарды абаттандырудың бірыңғай стандарттарын әзірлеу;
туристердің қауіпсіздігін қамтамасыз ету шараларын күшейту;
шетелдік қонақтарға арналған паспорттық бақылау рәсімдерін жеңілдету;
сұранысы жоғары әуе бағыттарына халықаралық лоукостерлерді тарту;
туристік қызмет сапасын арттыруға бағытталған жүйелі шараларды іске асыру.
Үкімет басшысының орынбасары туризмнің экономикалық және әлеуметтік маңызын ескере отырып, аталған міндеттердің уақтылы және сапалы орындалуын ерекше бақылауда ұстау қажеттігін атап өтті.
