Алаяқтар өздерін Ұлттық банктің өкілі ретінде таныстырып, азаматтарға несие берешегі бар деген сылтаумен жалған хаттар жіберуде. Сенімге кіру үшін құжаттарға уәкілетті тұлғаның жалған қолын, аты-жөнін және мөрін де жалған түрде қоса көрсетіп отырады. Бұл әдіспен олар азаматтарды ақша аударуға итермелеп, қаржысын иемденуге тырысады.
Сонымен қатар, қаскөйлер жасанды интеллект технологияларын пайдаланып, Ұлттық банк қызметкерлерінің бейнесін қолдана отырып жалған бейнероликтер жасауда.
Осыған байланысты Ұлттық банк қазақстандықтарды:
-
күмәнді шоттарға ақша аудармауға,
-
расталмаған ақпарат пен жалған құжаттарға сенбеуге,
-
қырағы болуға шақырады.
Ұлттық банк мыналарды ресми түрде мәлімдейді:
-
Жеке тұлғалардың шоттарына қызмет көрсетпейді;
-
Кредит берумен айналыспайды;
-
Заңгерлік көмек көрсетпейді;
-
Азаматтармен тікелей ақшалай есеп айырыспайды.
Егер сізге бейтаныс адам мемлекеттік орган немесе Ұлттық банк қызметкері атынан хабарласса, әңгімені тоқтатып, қажетті жағдайда ресми нөмір арқылы өз бетінше хабарласу ұсынылады.
Алаяқтарға тап болған жағдайда дереу құқық қорғау органдарына жүгіну керек. Сондай-ақ, Ұлттық банктің байланыс орталығына – 1477 қысқа нөмірі арқылы хабарласуға болады.
Фото: naryk.kz
