«Ұсыныстарды зерттеу көрсеткендей, жаңа туған балаларынан бас тартқысы келетін жас аналар оларды заңмен белгіленген тәртіпті бұза отырып, уәкілетті органдар мен соттың тиісті шешімінсіз балаларын сатпақ болған. Сондай-ақ, сайтта балаларды осылай асырап алғысы келетін адамдардың хабарландырулары жарияланған», – деп хабарлады Алматы қаласы прокуратурасының баспасөз қызметі.
Неке және отбасы туралы заңға сәйкес тауып алынған, тастанды бала жауапты органдардың (ішкі істер, қорғаншылық немесе қамқоршылық жөніндегі функцияларды жүзеге асыратын органдары, білім беру ұйымдары әкімшілігінің немесе бала орналастырылған медициналық ұйым) өтініші бойынша жеті тәуліктен кешіктірілмей тіркелуге тиіс.
Ескеретіін жайт, «Бұқаралық ақпарат құралдары туралы» Заңның 2-бабының 4-тармағына сәйкес қылмыстық және әкімшілік құқық бұзушылықтар жасау мақсатында бұқаралық ақпарат құралдарын пайдалануға тыйым салынады.
Осыған байланысты Алатау ауданының прокуроры сотқа сайтты заңсыз деп тану және оның Қазақстан аумағындағы қызметін тоқтату туралы өтініш жолдады. Сот қадағалау органының өтінішін қанағаттандырды.
Осы іске қатысты материалдар құқық қорғау органдарына жіберілді.
Айта кетейік, заң бойынша адам саудасы үшін қылмыскердің мүлкі тәркіленіп, 15 жылға дейін бас бостандығынан айырылады.
