Бұған дейін оқушының анасы әлеуметтік желіде жазба жариялап, қызына берілген мектеп форманың шамадан тыс үлкен екендігіне шағымданғанын жазған болатынбыз.
Осы жайтқа байланысты Жетісу облысының білім басқармасы түсініктеме берді.
«Кербұлақ ауданы Нұрым ауылының 4-сынып оқушысы жалпыға міндетті білім беру қоры есебінен көмек алатын оқушылардың тізімінде болмаған. Анасының өтінішіне байланысты мектеп формасы берілген, оқушыға өлшемі үлкен болған. Бүгінде форма ауыстырып берілді», – делінген ведомствоның хабарламасында.
Білім басқармасы берген ақпаратқа сәйкес, орын алған жағдайға жол берген мектеп директорына қатаң сөгіс түріндегі тәртіптік шара қолданылды.
