«Жылдан жылға Алакөлдің жағасы өркендеп келе жатыр. Былтырдың өзінде жаңа саябақтар ашылды. Волейбол алаңы берілді. Жағалауды тазалауға қаражат бөлініп отыр. Былтыр 1 млн. 300 мың демалушы болды. Биыл одан көп болады деп жоспарлап отырмыз», – дейді Алакөл ауданы әкімінің орынбасары Арман Қабаев.
Демалушылардың Алакөл жағалауына ағылуына ең алдымен күре жол сапасының жақсаруы оң әсер етті. Алматы қаласынан Ақши, Көктұма ауылдарына автокөлікпен 7 сағатта жетуге болады.
Айта кету керек, «Алматы – Өскемен» республикалық тас жолы келер жылы толық пайдалануға беріледі. Бұдан бөлек, үздіксіз пойыз жүріп тұр. Ал Үшарал әуежайы алдағы аптада «Алматы – 7 сағатта – Үшарал» бағытындағы рейстерді жүзеге асырмақ.
