Нақтырақ айтқанда, 2021 жылғы 125-тен биыл 140-қа дейін өсуі байқалады.
Олардың басым бөлігі жыныстық қол сұғушылыққа қатысты: биыл мұндай қылмыстардың 79–ы тіркелген, ал өткен жылы – 64.
Қылмыстық кодекстің баптары бойынша мынадай көрініс қалыптасады:
- 16 жасқа толмаған адаммен жыныстық қатынас немесе жыныстық сипаттағы өзге де әрекеттер – 32 (өткен жылы – 25);
- зорлау – 24 (2021 жылы – 25);
- жыныстық сипаттағы зорлық-зомбылық – 13 (10);
- кәмелетке толмағандарды бүлдіру – 10 (4).
Биылғы жылы 13 жасөспірім өз-өзіне қол жұмсады (2021 жылы — 11), 15 бала өз-өзіне қол жұмсамақ болды (2021 жылы – 11).
Облыс прокуратурасы Балалардың құқықтарын қорғау саласында Жол картасын әзірледі, онда білім беру мекемелерінде және одан тыс жерлерде кәмелетке толмағандардың қауіпсіздігін қамтамасыз ету жөніндегі іс-шаралар кешені көзделген.
Аталған бағыттағы жұмыс жүйелі түрде жүргізіліп жатыр және облыс прокуратурасының ерекше бақылауында, делінген хабарламада.
