Судың жиналуы арық желісінің, дренажды каналдардың, кәріз құбырларының және су өткізгіштердің болмауынан орын алып отыр.
Елді мекендерде жергілікті атқарушы органдардың, ТЖМ бөлімшелерінің мамандары жұмылдырылды. Сонымен қатар күрт жылыну салдарынан Ұзынағаш-Отар учаскесінде (101-143 км) жол суға толып кетті.
Индустрия министрлігінің автожол комитеті бұл аймақтың су астында қалмағанын хабарлады. Жолда жаңбыр мен мол қардың еруіне байланысты таулы аймақтарда төмен қарай су тасқыны болды. Су аққан жердің жағасын нығайту, траншеяларды қазу, жолдарды қиыршық тас материалдарымен толтыру және профильдеу жұмыстары жүргізілді. Аталған тас жолда автокөліктер қозғалысы қалпына келтірілді.
Сонымен қатар, «ҚазАвтоЖол» ұлттық компаниясы мен өңірдің ТЖД хабарлағандай, Алматы облысында ауа райының нашарлауына байланысты (жаңбыр, ауа температурасының төмендеуі, тұман), өткен түнде автожолдарда автокөліктің барлық түрлері үшін қозғалысқа шектеу енгізілді:
– «Алматы-Өскемен» тас жолының 25-67 шақырымы, Байсерке – Қонаев қ;
– «Алматы-Шелек-Қорғас» 25-320 шақырым, Панфилово – Жаркент ауылының аралығы;
– «Алматы-Көкпек-Көктал-Қорғас» 126-172 шақырым, Байсейіт – Көкпек тас жолы.
Бұл ретте Алматы облысының ТЖД азаматтардан жолға шықпауды және 112 қызметі беретін СМС хабарламаларды назардан тыс қалдырмауды сұрайды.
