«Алматы облысының Балқаш ауданында дрон көмегімен құрамында есірткі бар қарасора егілген плантация анықталды. Алматы қаласының тұрғыны шалғайдағы бір гектар жерде «үнді» қарасорасын өсіргені белгілі болды. Плантацияны тапқаннан кейін полицейлер бірден 5 тоннадан астам қарасораның көзін жойды. Қалған өсімдікті жою бірнеше күнге созылды. Нәтижесінде жалпы салмағы 10 тоннадан астам қарасора оталды», — деді Шұғыла Тұрлыбек.
Министрліктен мәлімдегендей, бұл қылмысқа қатысы бар күдікті ұсталған.
«Оған қатысты Қылмыстық кодекстің 300-бабының 2-бөлігі бойынша қылмыстық іс қозғалды. Жаза 8 жылға дейін бас бостандығынан айыруды көздейді. Осы факті бойынша тергеу жалғасып жатыр», — деп тоқталды Шұғыла Тұрлыбек.