«Бұл шараның басты мақсаты – «еститін мемлекет» тұжырамдамасы аясында халықпен тығыз қарым-қатынас орнату. Бүгінгі науқанға облыстық басқармалардың, Экономикалық тергеп-тексеру департаментінің, қалалық прокуратураның, басқа да құзіретті органдардың мамандары қатысып отыр», – деді облыс прокурорының көмекшісі Мақсат Абиров.
Оның айтуынша, осы уақытқа дейін бұл акция Іле, Талғар, Қарасай, Жамбыл аудандарында өткізілді. Бүгін науқан көші Қонаев қаласына келді. Ертең Еңбекшіқазақ ауданы орталығында ұйымдастырылады. Осылайша облыстың 10 ауданы түгел қамтылады.
«Шара барысында тұрғындардың кез келген сұрақтары қарастырылып, жауап беріледі. Мысалы, бұған дейін өткен кездесулер нәтижесінде 150-ге жуық адамның шағымы тыңдалып, оның 50-нен жазбаша арыз қабылданды», – деді прокурор көмекшісі.
Сондай-ақ ол жақында қолданысқа енген облыстық прокуратураның QR-коды туралы сөз қозғады.
«Біздің Instagram парақшамызда QR-кодтар орналастырылды. Бұл арқылы жұртшылық кез келген жерде, кез келген уақытта прокуратураға шағым түсіре алады», – деді Мақсат Абиров.
Айта кетейік, акция шаһардағы орта мектеп-гимназиясының акт залында кешкі 17.00-ге дейін жалғасады. Мекенжайы: 4 ш/а, 61/2 үйі.
Посмотреть эту публикацию в Instagram
