ТЖД мәліметінше, 8 желтоқсан күні сағат 16:39-да Жансүгіров көшесінің бойында Өтеген батыр ауылында дәмхананың 10 шаршы метр аумағы өртенді.
«Оқиға орнына күштер мен құралдар дереу жіберілді. Онда 10 шаршы метр аумақта дәмханаға жалғастырыла салынған металл контейнердің ішіндегі май қуырғыш тұтанғаны анықталды. Өрт 16:43-те оқшауланып, 16:46-да сөндірілді. Құрбан болғандар мен зардап шеккендер жоқ. Шақыру орнына сегіз қызметкер мен екі техника шықты», – деп хабарлады Алматы облысы ТЖД.
