USDАлматы облысының аумағында «Геопортал» жерді ғарыштық мониторингілеу жүйесі арқылы 283 қоқыс үйіндісі анықталған:
- Еңбекшіқазақ ауданында – 56;
- Іле ауданы – 72;
- Жамбыл ауданы – 7;
- Қарасай ауданы – 38;
- Кеген ауданы – 4;
- Талғар ауданы – 44;
- Қонаев қаласы – 62.
Б. Әбілқасымов: «Ауылдық округ әкімдері санитарлық-тазалыққа дұрыс көңіл бөлмейді. Күл-қоқыс төккендерді жауапқа тарту фактілері өте төмен деңгейде. Соның салдарынан күл-қоқыс елді мекендерді жаулап жатыр», – деп өзінің облыс тазалығына көңілі толмайтынын жеткізді.
Сондай-ақ, басқарма басшысы округ әкімдері мен учаскелік полиция мамандарына осы мәселені қатаң бақылауға алуды міндеттеді.
