Алдағы жылы жоспар бойынша үш медициналық нысанның құрылысы аяқталуы керек. Атап айтсақ, Жамбыл, ауданы Ұзынағаш ауылы және Райымбек ауданы Нарынқол ауылдарындағы емханалар. Сонымен қатар, Кеген ауданы Нүсіпбеков ауылындағы дәрігерлік амбулатория. Мұндай жоспарлар бірінші жартыжылдықтың қорытындысы бойынша әкімдікте өткен алқа мәжілісінде айтылды.
Сондай-ақ, Алматы облысындағы 6 медициналық нысанда күрделі жөндеу жұмыстары жүргізіліп жатыр. Оған 2,1 млрд теңге бөлінді. Осымен бірге, 20 медициналық пунктке блоктық-модульдік кешендер орнатылады, оған да жергілікті бюджеттен 1 млрд теңге қарастырылды.
Тендер қорытындысы тамыз айының соңына дейін барлық нысандар бойынша шығарылады. Айта кету керек, медициналық мекемелердің материалдық-техникалық базасын нығайтуға 2,5 млрд теңге бөлінеді.
