Министр облыс тұрғындарын толғандырған сұрақтарға жауап беріп, ведомствоның қызметі мен жобалары туралы айтты.
Өңірге сапары аясында Цифрлық даму министрі Денсаулық сақтау вице-министрі Бейбіт Есенбаевпен бірге Балпық би ауылында орналасқан Көксу орталық ауруханасына барды. Сапар барысында олар дәрігерлер қолданатын ақпараттық жүйелермен танысты. Медицина қызметкерлері биылдан бастап пайдалана бастаған ақпараттық жүйелердің қызметі туралы әсерлерімен бөлісіп, өз ойларында айтты.
«Қазіргі заманғы қосымшалар пациенттердің денсаулығы, жағдайы туралы хабарламалар бере отырып, оларға тиімді болуы керек. Бүгінде әрбір адам смартфондарды қалай пайдалану керектігін біледі және қазақстандықтарға олардың денсаулығына қатысты қажетті жеке деректерді алу үшін өз девайсын пайдалану ыңғайлы болады. Денсаулық сақтау министрлігі іске асыру мәселесін бақылауға алуы керек», – деді министр.
Аурухананы аралағаннан кейін министр жергілікті ХҚКО жұмысымен танысып, сол жерде азаматтарды қабылдады.
Халықпен кездесу барысында Бағдат Мусин цифрландыру халық пен болашақ ұрпақ үшін жаңа мүмкіндіктерге жол ашатынын айтты. Сондай-ақ осы жылы қабылданған заңға енгізілген өзгерістер туралы сөз болды.
«Жақында Мемлекет басшысы заңға қол қойды, соның арқасында енді электрондық құжаттарды қағаз құжаттармен қатар пайдалануға болады. Бұдан басқа, электрондық үкіметпен интеграциясы бар барлық компаниялар мен мемлекеттік құрылымдардың клиенттерден қағаз анықтамаларды сұратуға құқығы жоқ», – деп еске салды Бағдат Мусин.
Бұдан басқа, Цифрлық ведомство министрі ауылдық елді мекендерде тұратын азаматтар үшін «Қазпошта» АҚ базасында халықтың мемлекеттік қызметтерге қол жеткізуінің цифрлық нүктелері ашылатынын хабарлады. Енді компьютері немесе интернеті жоқ ауыл тұрғындары аудан орталықтарына немесе қалаларға бармай-ақ, цифрлық қол жеткізу нүктелерінің көмегімен мемлекеттік органдарға электрондық өтініштер жібере алады.
Министр тағы бір өзекті мәселе сапалы байланыс пен интернет беру мәселесін де талқылады. Кездесуге телекоммуникация комитетінің өкілдері мен байланыс операторларының өкілдері қатысып, туындаған мәселелерді шешуге уәде берді.
Сондай-ақ, министр жер ресурстарын ұтымды пайдаланудың ғарыштық мониторингінің нәтижелерін атап өтті. 2022 жылдың бірінші жарты жылдығында Жетісу облысының аумағында 21 224,6 га алқапта пайдаланылмайтын егістік алқаптар, 6 973 га алқапта егістік алқаптарды мақсатсыз пайдалану анықталды.
2022 жылы ҚР Жетісу облысының аумағы бойынша 134 рұқсат етілмеген қалдықтар орны, 22 рұқсат етілген қалдықтарды көму полигоны анықталды, оның 14-і белгіленген шекараны бұзған. Сондай-ақ, пайдалы қазбаларды заңсыз өндірудің 44 орны табылды. Оның ішінде: 4 ауданы өзгерген тарихи, 40 ауданы өзгермеген тарихи орындар.
Жұмыс сапарының соңында министр Жетісу облысының әкімі Бейбіт Исабаевпен кездесіп, цифрландыру саласындағы өңірді дамыту жөніндегі өзекті мәселелерді талқылады. Өз кезегінде Бағдат Мусин министрлік Жетісу өңірімен облыста IT-мамандарды даярлау, өңірдің мемлекеттік мекемелерінің бірыңғай ақпараттық базасын қалыптастыру, ғарыштық мониторинг бағыттары бойынша бірлескен жобаларды іске асыруға дайын екенін атап өтті.
