USDҚазақстан шекарасынан өтушілерге баспана іздеуде өз қолдаухатын ұсыну талап етіледі. Ол әрі қарай ұзарту мүмкіндігімен үш ай бойы жарамды болады.
«Пана іздеген, босқындар мәртебесін алған көшіп келушілерге сондай-ақ, олардың отбасы мүшелеріне уақытша тұруға рұқсат. Олардың өтініші бойынша Қазақстан Республикасының босқындар туралы заңнамасында белгіленген тәртіппен ұзарту мүмкіндігімен үш айға ресімделеді», – делінген Үкімет қаулысында.
Сонымен қатар, Үкімет қаулысына адам саудасының құрбандары туралы тармақ қосылды. Қазақстанда оларға барлық әлеуметтік қызметтер пакеті көрсетілмейінше, отанына қайтаруға болмайды.
«Қазақстан Республикасының аумағында адам саудасының құрбандары ретінде анықталған және сәйкестендірілген көшіп келушілер Қазақстан Республикасының әлеуметтік қызметтерін алып болмайынша республика аумағынан шығарылмайды», – делінген қаулының 32-тармағында.
Қазақстанға визасыз қоныс аударудың және онда қалудың тәртібі туралы халықаралық шарттар жасасқан мемлекеттерден келген бизнес-көшіп келушілерге сондай-ақ, олардың отбасы мүшелеріне уақытша тұруға рұқсат, жергілікті атқарушы органның өтініш хаты бойынша жыл сайын ұзарту мүмкіндігімен бір жылға, бірақ үш жылдан аспайтын мерзімге ресімделеді.
Айта кету керек, Үкімет қаулысына түзетулер 2 тамызға дейін ашық талқылануда.
