Цифрлық және мәтіндік ақпаратпен жұмыс істеу қабілетіне тестілеуді, құзыреттер бойынша әңгімелесуді, эссе жазуды және бейінді тестілеуден өтуді қамтитын жаңа тәсілдер қарастырылады.
«Іріктеу жүйесін жетілдіру және мемлекеттік қызметтен «шығу» тәртібін жеңілдету жұмыстары жалғасып жатыр. Мемлекеттік қызметтегі кадрларды іріктеу мен ілгерілетуде меритократия қағидаттарына негізделген ашық, ең бастысы әділ жүйені қалыптастыру маңызды міндет болып отыр», – деді Агенттік Төрағасы Дархан Жазықбаев отырыс барысында.
Кейбір лауазымдарға мемлекеттік қызметке кіру тәртібін жеңілдету қарастырылып жатыр. Сондай-ақ мемлекеттік қызметтен шығу бойынша да тәртіп оңтайландырылады. Тиісті заң жобасы Парламенттің қарауына енгізілді.
Мемлекеттік бастамалар мен салалық жобаларды іске асыру кезеңінде мемлекеттік органдарға арнайы білімі бар кәсіби мамандарды тарту үшін келісімшарттық қызметшілерді жалдау мүмкіндігі беріледі.
