Ресми мәліметке сүйенсек, берілген қарыздар туралы ақпаратты кредиттік бюроға ұсыну мерзімі 15-тен бір жұмыс күніне дейін қысқарады.
«Микроқаржы ұйымдарынан қарыз алушылардың борышын азайту үшін микрокредит бойынша артық төлем мөлшерін екі есе — микрокредит сомасының 100%-ынан 50%-ына дейін қысқартуды көздеп отырмыз», — деп ҚР Қаржы нарығын реттеу және дамыту агенттігінің төрайымы Мәдина Әбілқасымова бұған дейін атап өткен еді.
Сондай-ақ осы заң аясында азаматтардың өмірін сақтандыру қолға алынады. Бұл жоба мемлекеттік білім алу жинақтау жүйесінің және біріккен (ерлі-зайыптылардың) зейнетақы аннуитетіне сүйене отырып жасалады.
Банк депозиттеріне қарағанда, адам өмірін сақтандыру жобасы білім алу үшін қаржы жинауға мүмкіндік беріп қана қоймай, әрі қосымша сақтандыру қорғанышы бола алады. Егер келеңсіз оқиға болып жатса, сақтандыру компаниялары жинақталған ақшаның сомасына қарамастан оқудың ақысын толық төлейді.
