USDОқиға 18 шілдеге қараған түні Целиноград ауданы Қаратомар ауылында орын алды.
Таңғы сағат 08:40 шамасында жергілікті полиция бөліміне елордадағы қалалық ауруханалардың бірінде 36 жастағы ер адам оқ жарақатынан көз жұмғаны туралы хабарлама келіп түсті.
«Аталған факті бойынша полицейлер «Кісі өлтіру» (ҚР ҚК 99-бабы 1-бөлігі) бойынша сотқа дейінгі тергеуді бастады. Кезекші тәулікте жедел уәкілдер зардап шегушіге оның танысы Нұр-Сұлтан қаласының 51 жастағы тұрғыны өлім жарақатын келтіргенін анықтады», – деп хабарлады ПД баспасөз қызметі.
Полиция қызметкерлерінің тергеу барысындағы ақпараты бойынша, 18 шілдеде ер адамдар іс-шаралардың бірінде кездескен. Той Қаратомар ауылында жалғасқан. Түнге дейін созылған бас қосу жанжалдың соңы мылтықпен оқ жаудыруға жеткізген. Күдікті суық қаруды осы елді мекенде жалға алынған үйде сақтаған.
Өкінішке орай, дәрігерлер ер адамның өмірін арашалап қала алмады, алған жарақатынан жансақтау бөлімінде қаза тапты.
Қазіргі уақытта аталған факті бойынша қылмыстық істі тергеу жалғасуда. Айыпталушы уақытша ұстау изоляторына қамалды.
