USDИндустрия және инфроқұрылымдық даму министрлігі қала және ауылда салынған жолдардың сапасын тексеретін міндетті сараптама дайындап жатыр. Сондай-ақ, жыл аяғына дейін жол сапасы бойынша әкімдіктер рейтингін анықтайтын әдіс жүзеге асады. Бұл шара арқылы өзі билік еткен елді мекендердің қаражолына қабырғасы қайыспаған жергілікті атқа мінерлердің талайы қара тізімге ілінуі мүмкін.
Президент тапсырмасымен Индустрия және инфроқұрылымдық даму министрлігі транспорт мәселесі бойынша заң жобасын әзірлеген. Бұл заң жобасы елді мекендердегі жөндеуден өткен жол сапасын тексеретін сараптаманы қадағалайды. Сараптама жұмыстары «Сапалы жол активтерінің ұлттық орталығы» РМК арқылы жасалады.
Қазақстандағы жалпыға ортақ пайдаланылатын автомобиль жолдарының ұзындығы 157 мың километрді құрайды. Оның ішінде Республикалық маңызы бар 25 мың шақырым, жергілікті маңызы бар 71 мың шақырым және елді мекендер көшелері 61 мың шақырым жол бар. Айта кету керек, республикалық маңызы бар жолдар бойынша ИИДМ және «ҚазАвтоЖол» «ҰК» АҚ жауапты, ал жергілікті маңызы бар жолдар мен елді мекендердің көшелері бойынша жергілікті әкімдік жауап береді.
