USDЖиналған қаржының 2 жарым млн теңгесі жүлде қорына бөлінді. Жүлде 6,5 және 13 шақырым қашықтыққа жүгіру бойынша тігілді: 13 шақырым қашықтықтағы 1 орын – 300 000 тг, 2 орын – 200 000тг, 3 орын – 100 000 тг, 6,5 шақырым қашықтықта 1 орын – 100 000 тг, 2 орын – 75 000 тг, 3 орын – 50 000 тг.
Атлеттер 2 топқа бөлінді: 15-34 жас, 35-49 жас және 50 жастан жоғары.
Турнирге қатысқан ең қарт спортшы – Биебай Тілемісов, 74 жаста. Мәскеу, Берлин сынды дүниежүзілік марафондарының чемпионы. Егде тартқан атлеттің дене бітімі шымыр, талай жігіттердің алдын орайды.
Биебай Тілемісов – марафоншы, халықаралық дәрежедегі спорт шебері, ең қарт спортшы
«42 км, 100 км, горный пробек жүгіреміз. Мен өзім, марафонистпін. Көп жарыстарды ұтқанмын. Қазір мен 6 жарым км жүгіремін», – дейді Биебай Тілемісов.
Дегенмен, жастар да есесін жібермеді. 6 жарым шақырымдық қашықтықта 15 пен 34 жас аралығындағы топта бақ сынаған ақтөбелік Ислам Аманқос, ал 35 жастан жоғары спортшылар арасында Дәулет Бекқожаевтың үздік шықты.
Данияр Орманғали – жары жеңімпазы
«Қызықтың барлығы 6,5 – 7 км дан кейін басталды. Өйткені тек, өр ғана. Сонысымен ерекшеленді. Өзім тауға жүгіргенді ұнатамын. Алдағы жарысым – қыркүйекте болатын Қазақстан чемпионаты. Одан кейін қазан айында Стамбулда өтетін 42 шақырымдық жарысымыз бар. Соған дайындық үстіндеміз», – деді Данияр Орманғали.
Ауыл жастарын спортқа баулуды мақсат еткен ұйымдастырушылар бастапқыда барлығы 50 спортшы қатысады деп үміттенген болатын. Алайда іс-шараның ауқымы республикалық деңгейге шықты және бүгін мұнда 300-ге жуық атлет тіркелді. Спортшылардың қауіпсіздігіне қатысты барлық қажетті шаралар қабылданды. Марафон бағытын полиция мен жедел жәрдем қызметі қадағалады.
«Бұл жарыс жастарды спортқа баулуға бағытталған. Бұл марафон Қаблиса ауылының жас жігіттерінің арқасында өтті. Біз оны алғаш рет өткізіп отырмыз», – деді шараны ұйымдастырушы Жеңіс Тәжікеев.
