Бүгін өтетін маңызды жиында елдің бірлігі мен қоғамдық келісімді нығайтуға бағытталған отыз жылдық жол талқыланбақ. Сессия жұмысына 1600-ден астам қатысушының қатысуы күтілуде.
Қатысушылар құрамында ҚР Парламентінің депутаттары, еліміздің түкпір-түкпірінен келген Ассамблея мүшелері, республикалық және өңірлік этномәдени бірлестіктердің төрағалары, орталық және жергілікті атқарушы органдардың өкілдері, діни ұйым басшылары, саяси партиялар мен үкіметтік емес ұйымдардың мүшелері, дипломатиялық корпус, ғылыми және шығармашылық интеллигенция, сондай-ақ қазақстандық және шетелдік БАҚ өкілдері бар.
Бұл сессия – еліміздің татулық пен тұрақтылық жолындағы жетістіктерін саралайтын маңызды алаң болмақ.
