Кеңестің қорытындысы бойынша Қазақстанның авиациялық әкімшілігі Ми-8 тікұшақтарын пайдаланатын авиакомпаниялардың қызметіне жоспардан тыс инспекциялық тексерулер жүргізеді деген шешім қабылданды.
«Жүйелі сипаттағы бұзушылықтар анықталған жағдайда тексеру нәтижелері бойынша ұшу қауіпсіздігі бойынша барлық мәселелер шешілгенге дейін тиісті сертификаттар мен куәліктер тоқтатылады», — делінген азаматтық авиация комитетінің хабарламасында.
Кеңеске ұшуға жарамдылық, ұшуды пайдалану, аэронавигация, лицензиялау, авиациялық медицина, іздеу және құтқару және ұшу қауіпсіздігі басқармасы департаменттерінің өкілдері қатысты. Операциялық орталық ұшу қауіпсіздігін қамтамасыз ету мәселелерін талқылап, тергеу жүргізу үшін құжаттар дайындады.
Қазақстанның авиациялық әкімшілігінің мәліметінше, Ми-8 тікұшағына ұшуға жарамдылық сертификаты 2022 жылдың 3 мамырында берілген. Тікұшақтың шығарылған күні — 2021 жылғы 27 қаңтар. Ми-8 Қазақстанның азаматтық әуе кемелерінің мемлекеттік тізіміне 2022 жылғы 14 сәуірде тіркелген.
«Қазавиақұтқару» АҚ-ның 2021 жылғы 1 қазанда Қазақстанның авиациялық әкімшілігі берген 2024 жылғы 1 қазанға дейін авиациялық жұмыстарды орындау құқығына қолданыстағы куәлігі бар. Авиакомпания 33 тікұшақты пайдаланады (Ми-8 – 9 бірлік; Ми-171 – 2 бірлік; Ка-32 – 2 бірлік; ЕО-145 – 16 бірлік; Н-145 – 2 бірлік; Н-130 – 2 бірлік).
23 ақпанда «Қазавиақұтқару» Ми-8 тікұшағы Батыс Қазақстан облысында апатқа ұшырап, төрт адам қаза тауып, екеуі зардап шекті.
